ONAVIEWS BLOG: Mei 2014

Jumamosi, 31 Mei 2014

DZEKO 2,DROGBA 1,BOSNIA-HERZEGOVINA YAI VURUGA IVORY COAST MECHI YA KIRAFIKI KUEREKEA BRAZUKA.

TIMU YA TAIFA YA ENGLAND YATIKISA ENGLAND...

Steven Gerrard akimpongeza Sturridge baada ya kufunga bao la kuongoza

ENGLAND ilifanya kazi kubwa ya kuvunja ngome imara ya timu ya taifa ya Peru na kufanikiwa kuibuka na ushindi wa mabao 3-0 katika mechi ya kimataifa ya kirafiki kujiandaa na kombe la dunia kwenye uwanja wa Wembley mjini London.

England wanaotarajia kuweka kambi yao ya mwisho Miami walipata nguvu kwa bao la kwanza la Daniel Sturridge katika dakika ya 32 na kudumu kipindi kizima cha kwanza.

Mabao mawili ya kipindi cha pili kupitia kwa beki wa kati Gary Cahil na Phil Jagielka yaliweza kuwapa ushinidi wa kwanza baina ya mataifa haya tangu walipokutana miaka 52 iliyopita ambapo ilikuwa ni katika kombe la dunia mwaka 1962 nchini Chile.
Peru walioshindwa kufuzu fainali za kombe la dunia nchini Brazil kutokana na kufanya vibaya katika kampeni za kufuzu katika bara la Marekani kusini, walikuwa na ngome imara ya ulinzi na Jean Deza alisimama vizuri sehemu ya kiungo, huku golikipa wa England Joe Hart akiokoa michumo miwili.
“Ilikuwa ni sherere nzuri ya kutuaga kuelekea kombe la dunia kwa mashabiki wengi kufurika uwanjani”. Alisema kocha wa England, Roy Hodgson wakati akizungumza na ITV.
“Tulitakiwa kuwa wavumilivu kwasababu tulitawala vipindi vyote. Ilikuwa kipimo kizuri wakati huu wiki mbili zikisalia. Nimefurahi kuona mashabiki elfu 85 wamekuja kututakia kila la kheri”.
“Ushindi wa mabao 3-0 ni mafanikio mazuri. Pia ilikuwa kipimo kizuri kwa wachezaji vijana wakati huu wakiaga Wembley”.
Kikosi cha England kilikuwa: Hart, Johnson, Cahill, Jagielka (Smalling 73), Baines (Stones 75), Gerrard (Wilshere 64), Henderson, Lallana (Milner 73), Rooney (Sterling 66), Welbeck, Sturridge (Barkley 82). Subs not used: Foster, Lampard, Lambert, Flanagan, Forster.
Goals: Sturridge 32, Cahill 65, Jagielka 70.

MBEYA; MUME AUA MKE KIKATILI

MWANAMKE aliyetambuliwa kwa jina la Christina Hayola(35), mkazi wa Kijiji cha Lwalanje, alikutwa amekufa na mwili wake kubainika kuwa ulikuwa na majeraha ya kukatwa katwa Kifuani, kichwani na mguu wake wa kulia.

Unyama huo unadaiwa kufanywa na mumewe, Mussa Nsagaje, maarufu kwa jina la Mwaulambo, kwa kile kinachodaiwa kuwa chanzo ni ugomvi wa masuala ya wivu wa kimahusiano(Ngono) ulioanzia eneo la kilabu cha pombe.

Mwili wa marehemu ulikutwa katika Kijiji cha Magamba, kata ya Isansa, tarafa ya Igamba, wilayani Mbozi, mkoani Mbeya na mtuhumiwa alitoroka baada ya kutekeleza mauaji hayo.

Ijumaa, 30 Mei 2014

WABUNGE WA KAMBI RASMI YA UPINZANI WASUSIA BAJETI YA WIZARA YA NISHATI NA MADINI NA KUTOKA NJE YA BUNGE

Kiongozi wa Kambi rasmi ya Upinzani Bungeni Freeman Mbowe amewatoa wabunge wote wa upinzani Bungeni ikiwa ni shinikizo la kuipinga Bajeti ya Wizara ya Nishati na Madini kama ilivyokuwa imewasilishwa na Waziri wa Wizara hiyo Professa Sospeter Muhongo.

"Hatuwezi kuendelea kuzungumzia bajeti ya Serikali isiyokuwa na sera,mimi kama Kiongozi wa Kambi rasmi ya Upinzani Bungeni siwezi kuendelea kuiongoza kambi inayoburuzwa," amesema Mbowe na kuongeza:

"Tunawaachia bungeni lenu mpitishe bajeti yenu ili siku zijazo mkutane na hasira za wananchi,kwakuwa haya mlishayapanga".

ASERNE WENGER KUSAINI MKATABA WA MIAKA MITATU ASERNAL NA KULAMBA PAUNDI 24

Amepumua: Arsene Wenger akishangilia baada ya kumaliza ukame wa miaka 9 bila kombe mwezi huu baada ya kutwaa taji la FA.

Chagamoto kubwa: Wenger kwa sasa anahitaji kupeleka nguvu za FA katika michuano ya ligi kuu.

ASERNE Wenger atasaini mkataba mpya wa miaka mitatu na Asernal siku chache zijazo baada ya kukubaliana na vipengelea vya mkataba huo ambao utamuweka katika klabu hiyo mpaka mwaka 2017.

Wenger alimaliza hofu ya kuondoka klabuni hapo majira ya kiangazi mwaka huu baada ya kufuta ukame wa miaka 9 bila kombe kufuatia kutwaa `ndoo` ya kombe la FA.

Kulikuwa na hoja kuwa kama kocha huyo mwenye miaka 64 angeshindwa kumaliza ukame wa miaka 9 bila kombe Emirates basi angefutiwa kazi yake, lakini Wenger alionesha maarifa yake Wembley baada ya kuitwanga 3-2 Hull na kujihakikishia maisha London kaskazini.

Arsenal wamempatia Wenger mkataba wenye thamani ya paundi milioni 24 na paundi milioni 100 kwa ajili ya usajili.

Mtandao wa Sportsmail unafahamu kuwa Wenger atasaini mkataba unaompatia paundi milioni 8 kwa kila msimu.

Na atapewa bajeti kubwa zaidi katika historia ya Asernal ili kumsaidia kushinda taji la ligi kuu msimu ujao kwa mara ya kwanza tangu mwaka 2004.

Mwisho wa siku Wenger alishika kombe mkononi mwake katika uwanja wa Wembley kwa mara ya kwanza tangu mwaka 2005

MATOKEO YA UCHAGUZI MALAWI KUTANGAZWA HIVI PUNDE ,POLISI WATUMIA MABOMU KUTULIVU VURUGU MMOJA AFA

Rais Joyce Banda

Wakati tume ya uchanguzi nchini Malawi inataraji kutangaza matokeo ya uchaguzi mkuu wa Rais nchini humo hivi punde ,zimezuka vurugu kubwa kati ya makundi yanayomuunga mkono Rais Joyce Banda na wapinzani wake.

Imeelezwa kuwa katika vurugu hizo zilizozuka mchana wa leo polisi wamelazimika kutumia mabomu ya machozi kuwatawanya wananchi hao na kumna taarifa ya mtu mmoja kupoteza maisha kutokana na vurugu hizo.

Duru za kisiasa kutoka nchini Malawi zinadai kuwa hali ya amani kwa sasa nchini humu si swari kutokana na vurugu hizo ambapo watu kadhaa wanaripotiwa kujeruhiwa vibaya na kukimbizwa Hospital kwa matibabu zaidi

KATIBU MKUU KIONGOZI AKUTANA NA NCHI WASHIRIKA WA MAENDELEO JIJINI DAR ES SALAAM.

Katibu Mkuu Kiongozi Balozi Ombeni Sefue akibadilishana mawazo na mabalozi na wawakilishi wa nchi washirika wa maendeleo kabla ya mkutano aliowaandalia leo Mei 30, 2014 katika hoteli ya Hyatt Kilimanjaro hotel jijini Dar es salaam kuzungumzia michango katika Kapu la Afya (Health Basket Fund) pamoja na mpango wa serikali wa kuiingiza sekta ya afya katika kutekeleza Mpango wa Matokeo Makubwa Sasa (BRN)

Katibu Mkuu Kiongozi Balozi Ombeni Sefue (wa saba kutoka kushoto) akiwa katika mazungumzo na mabalozi na wawakilishi wan chi washirika wa maendeleo katika mkutano aliowaandalia leo Mei 30, 2014 katika hoteli ya Hyatt Kilimanjaro hotel jijini Dar es salaam kuzungumzia michango katika Kapu la Afya (Health Basket Fund) pamoja na mpango wa serikali wa kuiingiza sekta ya afya katika kutekeleza Mpango wa Matokeo Makubwa Sasa (BRN)

HII NDIO TIMU YA KWANZA KUWASILI BRAZUKA.....

Timu ya soka ya Taifa ya Australia, maarufu kama ‘ Soccerrose’ ndiyo timu inayoshikilia rekodi ya kufunga magoli mengi katika mchezo mmoja duniani. Australia waliichapa, American Samoa magoli 31-0, April 11, 2001 katika mchezo wa kimataifa unaotambuli wa na FIFA…Soccerrose, walitua nchini, Brazil siku ya juzi tayari kwa michuano ya kombe la dunia inayotaraji kuanza kutimua vumbi, juni 12. Australia ipo katika kundi la pili sambamba na mabingwa watetezi, Hispania, makamu bingwa wa fainali zilizopita, Uholanzi, na Chile.

Kikosi cha kocha, Ange Postecoglou kimeshawahi kucheza michuano hiyo mara tatu na mafanikio yao makubwa ni kufika hatua ya 16 bora, mwaka 2006… Kwa mara ya kwanza, Australia, ilifuzu kwa fainali za mwaka 1974 zilizofanyika nchini Ujerumani na kuondoka patupu.

Walipata suluhu-tasa dhidi ya Chile, kisha wakapoteza kwa waliokuwa wenyeji wa michuano, Ujerumani Mashariki, na Ujerumani Magharibi na kuondoshwa mashindanoni pasipo kufunga goli lotote.

Ikiwategemea zaidi wachezaji wake wazoefu kama Tim Cahiil, na nahodha wa kikosi hicho, Michael Jadinak ambaye anakipiga katika kikosi cha Crystal Palece ya England ,kikosi hicho kimekuwa timu ya kwanza kuwasili,

TANAPA NA NSSF WATOA UFAFANUZI DHIDI YA TUHUMA ZA CHADEMA KWA ZITTO KABWE

Baada ya msemaji wa kambi ya Upinzani Bungeni ambaye ni waziri kivuli wa wizara ya Habari,Michezo, Vijana na utamaduni kumtuhumu Zitto Kabwe kuhusika na kinachoitwa ufisadi katika shirika la TANAPA na NSSF, mashirika haya yameamua kutoa ufafanuzi kuhusiana na tuhuma hizi ili kuweka mambo sawa......

Meneja Uhusiano wa TANAPA, Paschal Shelutete ameliambia gazeti la Mwananchi toleo la leo ( May 30) kuwa shirika hilo linakitambua kiasi hicho kilichotajwa na wapinzani na kwamba fedha hizo zilikuwa ni malipo ya wasanii wa Leka Dutigite ambao walifanya kazi ya kuitangaza Hifadhi ya Saadan...

“Leka Dutigite ilifika Hifadhi ya Saadan na kuitangaza kupitia kazi za sanaa... sikumbuki ni lini lakini walifanya kazi na DvD zake zipo.

“Ifahamike si Leka Dutigite pekee, tunafanya kazi na wasanii mbalimbali kutangaza vivutio, mbuga na hifadhi zetu,” Shelutete ameliambia gazeti la Mwananchi

Naye Meneja Kiongozi wa Idara ya Uhusiano na Huduma kwa Wateja wa NSSF, Eunice Chiume ameliambia gazeti hilo kuwa pesa walizozitoa kwa kundi hilo zilikuwa malipo ya kutengenezea wimbo maalumu wa shirika hilo na nyingine ni za udhamini wa onyesho lililofanyika mwaka jana mkoani Tanga.

“Kweli mara ya kwanza tuliwalipa Sh25 milioni wasanii wa kundi hilo ili watutengenezee wimbo na Sh56 milioni zilikuwa za udhamini wa onyesho lao, lakini kwa masharti ya kututangaza jambo ambalo lilikuwa na mafanikio kwetu kwani tumefanikiwa kupata wateja wapya 30,000 kutoka sekta isiyo rasmi,” alisema Chiume.

Alisisitiza kuwa wametumia kiwango hicho cha pesa ili kujitangaza kwa kuwa hata mashirika ya kijamii yanapaswa kufanya hivyo ili kuvutia wateja wengi zaidi.

PICHA ZA RAY C AKIWA MTAANI LEO, KUHAMASISHA MATEJA KUACHA UNGA

Leo Ray C Foundation tuliwatembelea waathirika wa madawa ya kulevya Kinondoni!!!

nimeongea nao sana na kuwahamasisha waje kupata Tiba ya Methadone Mwananyamala....

nimefurahisana kuskia kutoka Kwao kwamba na wao wamechoka na Maisha ya utumwa......

Tuko pamoja nao kuhakikisha tunawasaidia.......

Ray C Foundation Pamoja inawezekana...

TAARIFA YA SUMATRA YA KUHAMISHA KITUO CHA DALADALA MWENGE - MAKUMBUSHO

Wamiliki, madereva na abiria wote mnatangaziwa kuwa kituo cha daladala Mwenge kitafungwa rasmi siku ya Jumapili jioni tarehe 01.06.2014. Kuanzia siku ya jumatatu asubuhi tarehe 02.06.2014 kituo kitakachokuwa kinatumika ni Makumbusho tu.

Sababu kubwa ya kufunga kituo hicho ni ufinyu wa eneo hilo jambo linalochangia dadalada kushindwa kuingia kituoni kwa wakati hasa vipindi vya asubuhi na jioni hivyo kusababaisha foleni kubwa katika eneo la Mwenge.

Kwa mujibu wa Ofisi ya Mkuu wa Mkoa eneo hilo kwa sasa litabaki kuwa eneo la wazi.

Madereva mnatakiwa kutii agizo hili ili kuepukana na hatua kali ambazo zitachukuliwa dhidi ya yeyote ambae atakaidi, aidha abiria mnatakiwa msilazimishe kushushwa eneo ambalo hakuna kituo cha daladala.

Barabara za kuingia na kutoka kituoni Makumbusho zinaendelea kukarabatiwa na Manispaa ya Kinondoni ili kusiwe na tatizo la kuingia kituoni hapo.

Conrad Shio
Afisa Mfawidhi Kanda ya Mashariki

Jumatano, 28 Mei 2014

HILI NDILO GAUNI ALILO VAA KIM KARDASHIAN WAKATI WA HARUSI YAKE.....

MMILIKI WA MAN UNITED AFARIKI DUNIA

Malcolm Glazer, aliyeshinda tenda ya utata ya kuichukua Manchester United mwaka 2005, amefariki dunia jana akiwa na umri wa miaka 85.

Mfanyabiashara huyo wa Marekani atakumbukwa kama bilionea wa Florida aliyeichukua kuimiliki binafsi United miaka tisa iliyopita na kuwekeza zaidi ya Pauni Milioni 500.

Glazer mkubwa amekuwa mgonjwa kwa muda sasa na kuwaachia shughuli za uendeshaji wa United watoto wake wa kiume, Joel na Avram.

Mmiliki: Malcolm Glazer amefariki akiwa na umri wa miaka 85

Msemaji wa United amesema: "Fikra za kila mmoja katika United zipo kwa familia usiku huu,".

Familia ya Glazer bado wanamiliki Tampa Bay Buccaneers, timu ya mpira wa miguu ya Marekani waliyoinunua mwaka 1995. Na kwenye tovuti ya Bucs, ambako zimetangazwa habari za kifo cha Glazer.