Wanajeshi 8 wa Uturuki wauawa

Wanajeshi 8 wa Uturuki wauawa

Wanajeshi wanane wa Uturuki wameuawa kwenye shambulizi la bomu la kutegwa kando ya barabara kusini mashariki mwa nchi.

Hakuna kundi lililodai kuhusika kwenye shambulizi hilo lilitokea katika mkoa wa Siirt lakini maafisa wa usalama wamewalaumu waasi wa PKK au kundi la Kurdistan Workers Party.

Shambulizi hilo linafanyika wakati kuna ghasia kati ya PKK na wanajeshi wa Uturuki. Watu kadha wameuawa tangu usitishwaji wa mapigano wa miaka miwili uvunjike mwezi Julai.

Vita vya Iraq:Bush na Clinton walaumiana

Clinton na Jeb Bush

Mgombea wa urais kupitia tiketi ya chama cha Demokrat Hillary Clinton amemshtumu mpinzani wake kutoka chama cha Republican Jebb Bush kuhusu ni nani aliyesababisha msukosuko nchini Iraq.

Siku ya jumanne bwana Bush aliishtumu serikali ya rais Obama kwa kuyaondoa mapema majeshi ya Marekani mwaka 2011 swala analosema limesababisha madhara makubwa.

Lakini Bi Clinton alijibu kwa kusema ni nduguye George W Bush ambaye aliomba majeshi ya Marekani kuondolewa nchini humo.

Vita vilivyoanzishwa na Marekani nchini Iraq mwaka 2003 vimesababisha msukosuko nchini humo.

Bwana Bush alisema kuwa kuondolewa kwa vikosi vya Marekani nchini Iraq ilikuwa makosa yaliosababisha maafa makubwa ikiwemo msukosuko na hatimaye kuanza kwa kundi la wapiganaji wa Islamic State.

''Walitaka kuwa katika kumbukumbu za kihistoria badala ya kuleta amani'',Bwana Bush alisema akimshtumu rais Obama na Bi Hillary Clinton wakati Clinton alipokuwa katibu wa maswala ya kigeni mwaka 2009 na 2013.

IAAF lilihujumu utafiti wa dawa sisimuzi

Mashindano ya riadha mjini Daegu

Ripoti za vyombo vya habari kutoka nchini Uingereza na Ujerumani zimelilaumu shirikisho la riadha duniani IAAF kwa kuhujumu utafiti ambao uligundua kuwa thuluthi moja ya wanariadha walikiri kuvunja sheria za matumizi ya dawa za kusisimua misuli.

Kulingana na gazeti la Sunday Times na kituo cha ARD cha Ujerumani ni kuwa mamia ya wanariadha waliwaambia watafiti kuwa walitumia dawa za kuongeza nguvu zilizopigwa marufuku walipohojiwa miaka minne iliyopita.

Ukaguzi wa dawa sisimuzi

Chuo cha Ujerumani kilichoongoza utafiti huo kinasema kuwa IAAF imezuia kuchapishwa kwa takwimu hizo.

IAAF inasema kuwa bado mazungumzo yanaendelea.

Michezo ya riadha mjini Helsinki

Mapema mwezi huu IAAF ilikataa madai ya vyombo hivyo vya habari kuwa kuna matumizi makubwa ya dawa za kuongeza nguvu katika riadha.

JIONEE GHALIKA YA LOWASSA JIJINI ARUSHA

MAPOKEZI YA LOWASSA ARUSHA.

 Saturday, August 15, 2015

Kiongozi wa IS alidaiwa kum'baka mateka

Kayla Mueller

Mfanyikazi wa huduma za misaada kutoka Marekani ambaye aliuawa mnamo mwezi februari akiwa mateka wa kundi la Islamic State nchini Syria alinyanyaswa kijinsia na kiongozi wa kundi hilo Kulingana na maafisa wa Marekani.

Kayla Mueller mwenye umri wa miaka 26 aliripotiwa kubakwa mara kadhaa na Abu Bakr al Baghdadi.

Maafisa wa kukabiliana na Ugaidi walielezea familia yake mnamo mwezi Juni.

Mueller alitekwanyara wakati alipokuwa akifanya kazi mjini Allepo nchini Syria mwaka 2013.

Al Baghdad

Wapiganaji wa IS wanasema kuwa aliuawa katika shambulizi la angani lililotekelezwa na Jordan ,lakini Marekani inalilaumu kundi hilo kwa kifo chake.

''Tuliambiwa kwamba Kayla aliteswa na kwamba alikuwa mali ya Baghdadi. Tuliambiwa mnamo mwezi Juni na serikali'',wazazi wake Carl na Marsha waliliambia shirika la habari la ABC.

Inadaiwa kuwa Baghdad alimchukua afisa huyo wa misaada kwa nyumba ya mwanachama mwengine wa IS Abu Sayyuf ambaye alikuwa akisimamia kitengo cha mafuta na gesi hadi kifo chake katika oparesheni ya vikosi maalum vya Marekani mnamo mwezi May.

LIONEL MESSI, BARCELONA WACHAPWA

Mabingwa wa Ulaya, FC Barcelona wamepoteza kwa kipigo kikali mechi ya kwanza ya Spanish Super Cup dhidi ya Athletico Bilbao.

Wakiongozwa na mchawi wao, Lionel Messi, Barca wamedundwa 4-0.

Aritz Aduriz ameingia kwenye vitabu vya kumbukumbu vya mashabiki wa Barcelona kufuatia kupiga mabao matatu peke yake 'Hat-trick' katika dakika za 53, 62, 68, huku Mikel San Jose naye akifunga goli moja dakika ya 13 kipindi cha kwanza.

Nyota anayewaniwa na Manchester United, Pedro alianza kikosi cha kwanza, lakini alishindwa kabisa kupenya ngome ya Bilbao.

Aduriz akicheka na nyavu

Wakitokea kushinda 5-4 dhidi ya Sevilla katika mechi ya fainali ya Uefa Super Cup iliyochezwa kwa dakika 120, kocha wa Barca, Luis Enrique hakuwaanzisha Gerard Pique, Sergi Busquets, Andres Iniesta na Ivan Rakitic.

Wakati huo tayari alikuwa anawakosa wachezaji wanaosumbuliwa na Majeraha, Jordi Alba na Neymar.

Ili kupindua kichapo hicho, Barcelona wanahitaji kushinda 5-0 nyumbani Camp Nou.

UK yapinga kesi ya mpelelezi mkuu Rwanda

Jenerali Karenzi Karake

Mahakama ya Uingereza imekataa mpango wa kumsafirisha hadi nchini Uhispania afisa mkuu wa idara ya upelelezi wa Rwanda ili ashtakiwe na jukumu alilochukua wakati wa mauaji ya kimbari ya mwaka 1994.

Karenzi Karake alikuwa amewachiliwa kwa dhamana nchini Uingereza kufuatia kukamatwa kwake mnamo mwezi Juni na kibali kilichotolewa na uhispania.

Kukamatwa kwake kuliathiri hali ya kidiplomasia kati ya Uingerewza na Rwanda.Jaji wa Uhispania alimshtaki Jenerali Karake mwaka 2008 kwa madai ya uhalifu.

Uamuzi huo wa Uingereza umeungwa mkono na waziri wa haki nchini Rwanda Johnston Busingye.

JE? UMATI HUU UNATABIRI MATOKEO YA MHE. LOWASA PAMOJA NA UKAWA.

 

kama ni mpeni wa MAN UNITED angalia mchezaji unaye mpenda anavaa jezi namba ngapi.