VYAKULA VINAVYOWEZA KUKULETEA UGONJWA WA SARATANI

UTAFITI mbalimbali uliokwishafanywa unaonyesha kuwa magonjwa mengi ya saratani (cancer) yanatokana na vyakula tunavyokula kila siku katika maisha yetu. Katika siku za hivi karibuni, ongezeko la magonjwa haya limekuwa kubwa kwa sababau vyakula vinavyosababisha magonjwa hayo, ndivyo vinavyoliwa sana kuliko vile vinavyozuia.

 Wiki iliyopita tuliwaorodheshea baadhi ya vyakula vinavyoaminika kusaidia kuzuia magonjwa ya kansa ambapo wiki hii tunawaletea orodha ya vyakula vinavyoaminika kuongoza kwa kuwa chanzo cha magonjwa hayo hatari:

VYAKULA VYA KUKAANGA

 Vyakula vingi vinavyotayarishwa kwa kukaangwa kwenye mafuta yenye moto mkali huwa na madhara kiafya na miongoni ma madhara hayo ni pamoja na kusababisha kansa ya kwenye mfuko wa uzazi. Vyakula hivyo ni pamoja na chips na vyakula vingine vinavyopikwa kwa kukaangwa kwenye mafuta.

VYAKULA VYENYE CHUMVI NYINGI

 Vyakula vyenye chumvi nyingi vimebainika navyo kusababisha kansa. Vile vile inaelezwa kuwa chumvi huwa kama chakula kwa bakteria wa kansa tumboni. Kansa ya tumbo inadaiwa kuua watu wengi nchini Japan kutokana na jamii hiyo kupenda sana vyakula vyenye chumvi nyingi. Miongoni mwa vyakula vyenye chumvi nyingi ni vile vya kusindika, kama vile nyama za makopo, maharage, n.k

SUKARI

 Matumizi mabaya ya sukari yanaelezwa kusababisha kansa. Kama tujuavyo, kuna aina mbalimbali za sukari lakini sukari hatari zaidi ni zile zinazowekwa kwenye vinywaji mbalimbali, zikiwemo soda, juisi za ladha ya matunda ambazo huwa na kiwango kingi cha ‘fructose’ ambayo inaelezwa kusababisha saratani ya kongosho.

 Vile vile sukari kwa ujumla wake hairuhusiwi kutumiwa na mtu ambaye tayari amegundulika kuwa na kansa kwa sababu chakula cha chembechembe za saratani mara nyingi huwa ni sukari. Kwa matumizi mengine ya kawaida, sukari inatakiwa kutumiwa kwa kiwango kidogo sana katika vinywaji au vyakula tunavyotumia, tofauti na baadhai ya watu wanavyoweka sukari nyingi ili kupata utamu zaidi.

NYAMA ILIYOIVA SANA

 Upikaji wa nyama kwa muda mrefu na kwenye moto mkali (high temperatures) husababisha aina fulani ya kemikali inayojulikana kitaalamu kama ‘heterocyclic aromatic amines’. Utafiti wa hivi karibuni uliofanywa na Chuo Kikuu cha Utah (University of Utah), umeonesha kwamba watu wanaopenda kula nyama zilizoiva sana, wako hatarini zaidi kupatwa na saratani ya njia ya haja kubwa (Rectal Cancer). Hivyo inashauriwa unapopika nyama, usipike kwenye moto mkali na kuiva kupita kiasi.

POMBE

 Unywaji wa pombe kupita kiasi nao unaelezwa kusababisha aina nyingi ya saratani, kwa wake kwa waume. Aina ya saratani zinazodaiwa kusababishwa na pombe ni pamoja na satarani ya mdomo, ini, utumbo na koromeo, ambazo ndizo zinazoua watu wengi hivi sasa nchini Marekani.

NYAMA NA MAFUTA

 Utafiti uliofanywa na Chuo Kikuu cha Havard nchini Marekani, umegundua kwamba watu wanaopenda kula nyama kila siku wako hatarini kupatwa na saratani ya utumbo kuliko wale wanaokula mara moja moja. Pia baadhi ya mafuta ya wanyama na yale yanayowekwa kwenye ‘baga’ au ‘cheese’ huweza kusababisha kansa.

 Vile vile ulaji wa vyakula vilivyotengenezwa kwa kuchanganya na nyama zilizosindikwa au kuhifadhiwa kwa matumizi ya muda mrefu husababisha saratani pia. Vyakula hivyo ni pamoja na ‘soseji’ ambazo hupendwa na watu wengi. Pia mikate ya nyama ‘hot dogs’ nayo ni chanzo cha magonjwa ya saratani.

VYAKULA VYA UNGA MWEUPE

Vyakula vyote vinavyopikwa kutokana na unga uliokobolewa na kuondolewa virutubisho vyake vyote na kuwa mweupe, vinaelezwa kuchangia magonjwa ya saratani kwa kiasi kikubwa. Vyakula hivyo ni pamoja na ‘donati’ (doughnuts), maandazi, mkate mweupe, n.k

 Mwisho, licha ya kuepuka ulaji wa vyakula vilivyotajwa hapo juu, unatakiwa kuzingatia ulaji wa vyakula asilia vitokanavyo na mimea, mboga za majani na matunda kwa wingi kila siku. Utaona kwamba adui mkubwa wa afya zetu ni vyakula vyote vya kusindika na vile vya kutengenezwa viwandani au vile ambavyo wakati wa utayarisjaji wake huondolewa virutubisho vyake vya asili.

SHINJI KAGAWA ATISHA AIPIGIA MOJA BORUSSIA DORTMUND

+6

Shinji Kagawa akishangilia baada ya kuifungia Borussia Dortmund bao tangu arudi klabuni hapo

SHINJI Kagawa amefurahia ndoto za kurudi Bundesliga kufuatia kiungo huyo wa zamani wa Manchester United kufunga bao moja na kutengeneza moja katika mechi yake ya pili akiichezea Borussia Dortmund.Nyota huyo wa kimataifa wa Japan, alimtengenezea Adrian Ramos bao lake la kwanza katika dakika ya 34 dhidi ya Freiburg, kabla ya kufunga la pili kabla ya mapumziko.

Kagawa alikaribishwa vizuri ambapo alisalimiwa na mabango na bendera za Japan.

+6

Nyota wa kimataifa wa Japan, Shinji Kagawa (kulia) akishangilia bao lake katika uwanja wa Westfallonstadion

CHADEMA KUMPATA MWENYEKITI LEO: MPINZANI WA MBOWE ATANGAZA KUJITOA

Chama cha Demokrasia na Maendeleo (Chadema), leo kinafanya uchaguzi mkuu wa kumpata mwenyekiti na makamu wenyeviti wake watakaokiongoza chama hicho kwa miaka mitano ijayo huku mgeni rasmi akitarajiwa kuwa mwanasiasa mkongwe wa nchini Kenya, Raila Odinga.

Mchuano katika nafasi ya uenyekiti ilitarajiwa kuwa kati ya mwenyekiti anayemaliza muda wake, Freeman Mbowe na aliyekuwa mwenyekiti wa mkoa wa Tabora wa chama hicho, Kansa Mbarouk ambaye jana alitangaza kujitoa katika kinyang’anyiro. 

Hivyo kujitoa kwa Mbarouk kuna maanisha kwamba nafasi hiyo imebakisha wagombea watatu watakaochuana kuwania kiti hicho ambao ni Daniel Luvanga na Gambaranyera Mongateo.

Katibu Mkuu wa Chadema, Dk Willbrod Slaa akizungumzia maandalizi ya Mkutano Mkuu wa chama hicho alisema kila kitu kinakwenda sawa ikiwa ni pamoja na vikao vya Kamati Kuu na Baraza Kuu ili kuandaa ajenda na kupitia majina ya walioomba kuteuliwa kuwania nafasi mbalimbali za uongozi.

Gazeti hili lilikuwapo katika ukumbi wa Mlimani City jijini hapa na kushuhudia wajumbe wakiendelea kujiandikisha huku Kamati Kuu ikiendelea na mkutano wake kisha Baraza Kuu ikiwa ni kuweka kila kitu katika hali ya ufanisi.

Katika uchaguzi huo kundi ambalo linatarajiwa kuwa na ushindani ni la kuwania ujumbe wa kamati kuu ambapo hadi jana waliokuwa wameomba kuteuliwa kuwania kuingia katika chombo hicho kikubwa cha uamuzi walikuwa ni 58 kati ya nafasi hizo sita za Tanzania Bara na mbili Zanzibar, huku wajumbe wake watachaguliwa kwa uwiano sawa wa kijinsia.

Mbarouk akitangaza kujitoa katika kinyang’anyiro hicho alisema hawezi kuwa miongoni mwa wanachama wanaoikiuka na kuivunja katiba ya chama.

ANGALIA PICHA ZA DI MARIA,MARCOS ROJO,BLIND,FALCAO,VAN PERSIE,ROONEY WAKIWASILI KUJIANDA NA MECHI DHIDI YA QPR

KIVUKO CHA MV. KIGAMBONI KUANZA KAZI KESHO KUTWA, BAADA YA MATENGENEZO

Waziri wa Ujenzi Mheshimiwa Dkt. John Pombe Magufuli akizungumza na Watendaji mbalimbali hawapo pichani kutoka, Wizara ya Ujenzi, TEMESA na Kikosi cha Maji cha Jeshi la Wananchi wa Tanzania (JWTZ) ambao wamefanya kazi kubwa ya ukarabati wa Kivuko cha MV Kigamboni.

Waziri wa Ujenzi Mheshimiwa Dkt. John Pombe Magufuli akipanda ngazi kwenda kukagua Kivuko cha MV Kigamboni ambacho matengenezo yake makubwa yanakamilika leo.

Luteni Kanali Gwanafi kulia akimuongoza Waziri wa Ujenzi Mheshimiwa Dkt. John Pombe Magufuli kwenda kukagua Kivuko cha MV Kigamboni sehemu ya chini mara baada ya kukamilika kwa ukarabati wake.

Luteni Kanali Gwanafi wapili kutoka kulia akitoa maelezo kuhusu ukarabati mkubwa wa Kivuko cha MV Kigamboni kama inavyoonekana.

Taswira-Kivuko cha MV Kigamboni kinavyoonekana mara baada ya Ukarabati wake.

Luteni Kanali Gwanafi kulia akimuonesha Waziri wa Ujenzi Mheshimiwa Dkt. John Pombe Magufuli sehemu ya juu ya Kivuko cha MV Kigamboni.

Luteni Kanali Gwanafi kushoto akimuonyesha Waziri wa Ujenzi Dkt. John Magufuli pamoja na Katibu Mkuu wa Wizara ya Ujenzi Mhandisi Mussa Iyombe kuhusu sehemu ya chini ilivyokarabatiwa.

Waziri wa Ujenzi Mheshimiwa Dkt. John Pombe Magufuli akiwa ndani ya kivuko cha MV Kigamboni huku akipatiwa maelezo kuhusu ukarabati wake.

Waziri wa Ujenzi Mheshimiwa Dkt. John Pombe Magufuli akimsikiliza kwa makini Luteni Kanali Gwanafi kuhusu mambo mbalimbali wanayofanya ndani ya kivuko cha MV Kigamboni.

Waziri wa Ujenzi Mheshimiwa Dkt. John Pombe Magufuli akitoka ndani ya Kivuko cha MV Kigamboni mara baada ya ukaguzi wake. Picha zote kwa Hisani ya Kitengo cha Mawasiliano Serikalini-Wizara ya Ujenzi.

Waziri wa Ujenzi Dkt. John Pombe Magufuli amesema kuwa Kivuko cha MV Kigamboni kinatarajiwa kuanza safari zake za usafirishaji rasmi kesho kutwa mara baada ya ukarabati wake kukamilika.

Waziri wa Magufuli alitoa kauli hio leo wakati akikagua kivuko hicho ambacho kilikuwa kikikarabatiwa na Jeshi la Wananchi Tanzania (JWTZ) kupitia kikosi cha Wanamaji.

Mheshimiwa Magufuli aliongeza kuwa hicho ambacho kinategemewa na wananchi wengi waishio Kigamboni na maeneo jirani kinategemewa kuteremshwa majini kesho jioni mara baada ya maji kujaa na kesho kutwa kuanza rasmi shughuli zake za usafirishaji.

“Nimekagua na kujionea kazi inavyoendelea na nimeridhishwa na mlipofikia mpaka sasa, naamini kazi imefanyika ipasavyo, hivyo basi palipobaki ni matengenezo madogo, kutokana na utendaji wenu wa kazi naamini kesho Kivuko hicho kitateremshwa majini na kesho kutwa kuanza safari”, Alisema Waziri Magufuli.

Aidha, Mheshimiwa Magufuli alikipongeza kikosi hicho cha Navy kwa kufanya kazi usiku na mchana kuhakikisha kuwa wanamaliza ukarabati huo kwa wakati licha ya changamoto nyingi walizokumbana nazo.

Sambamba na hilo, Waziri Magufuli amesema kuwa ndani ya Wiki tatu au nne Boti ya Kutoka Dar hadi Bagamoyo itawasili kwani imeshateremshwa majini huko inapotengenezwa na kilichobaki ni kuifikisha Dar es Salaam

Kwa upande wake Katibu Mkuu wa Wizara ya Ujenzi Mhandisi Mussa Iyombe, amepongeza Jeshi la Wananchi Tanzania kupitia Kikosi cha majini kwa uzalendo wao waliouonesha kwa kukamilisha ujenzi huo kwa gharama nafuu na kwa wakati ili kurejesha huduma za usafirishaji.

Kwa upande wake Mtendaji Mkuu wa Wakala wa Ufundi na Umeme (TEMESA), Mhandisi Marceline Magessa amesema kuwa ukarabati wa MV Kigamboni ulikuwa katika hatua za marekebisho mbalimbali ikiwemo utoaji kutu, kupaka rangi, usafi na uzibaji wa matundu pembezoni mwa kivuko hicho.

Naye kamanda wa kikosi cha majini Brigedia Jenerali Rogastian Laswai amezitaja changamoto zilizowakabili wakati wa utengenezaji wa kivuko hicho kuwa ni pamoja na kushindwa kupaka rangi kutokana na uwepo wa mvua pamoja na kupwa na kujaa kwa maji

Ukarabati wa Kivuko cha MV Agosti 14 mwaka huu mpaka kukamilika kwake hivi leo.

MANCHESTER UNITED KUANIKA REKODI YA MAPATO

 Makamu mwenyekiti wa United Edward Woodward (katikati), Joel Glazer (kushoto) na Richard Arnold (kulia)

MANCHESTER wanatarajia kutangaza rekodi ya mapato leo ambayo inakadriwa kufikia paundi milioni 420 kwa msimu uliopita, huku wakipata faida ya paundi milioni 25 kutokana na mauzo ya mamilioni ya jezi duniani kote.

Mapato hayo ya mwaka pia yatahusisha fidia waliyomlipa kocha David Moyes na benchi lake la ufundi, lakini fedha hizo hazitahusisha hasara yoyote waliyoipata baada ya kushindwa kufuzu michuano ya UEFA kwa msimu huu.

Jezi ya heshima Old Trafford: Angel di Maria ndio mchezaji aliyeamua kuvaa jezi ya kipee namba 7 Manchester United

  Di Maria aliwavutiwa wengi katika mechi yake ya kwanza Manchester United na ataimarika zaidi akiendelea kucheza.

Taarifa zinafafanua kuwa mapato ya jumla yanakadriwa kuwa paundi milioni 429 hadi 432, na ni ongezeko la asilimia 18 hadi 19.

BUNGE MAALUM LA KATIBA LAENDELEA NA MJADALA WA RASIMU YA KATIBA.

Mwenyekiti wa Bunge Maalum la Katiba, Mhe. Samuel Sitta akitoa maelezo muhimu wakati wa mjadala wa Bunge hilo leo 10 Septemba, 2014 Bungeni mjini Dodoma.

Baadhi ya Wajumbe wa Bunge Maalum la Katiba wakiingia ndani ya Bunge hilo leo 10 Septemba, 2014 kwa ajili ya kuendelea na mjadala wa Rasimu ya Katiba.

………………………………………………………

 

BUNGE Maalum la Katiba leo tarehe 10 Septemba, 2014 limeendelea na kazi yake ya kusoma na kujadili taarifa za Kamati mbalimbali Bungeni mjini Dodoma.

 

Baadhi ya mambo yaliyojadiliwa katika Bunge hilo ni pamoja masuala ya migogoro ya ardhi inayowahusisha wafugaji na wakulima, mambo ya Uraia pacha, haki ya afya, haki ya kuishi ikiwemo sheria ya kunyonga, haki za binadamu, haki ya Mtuhumiwa na Mfungwa, haki za wafanyakazi na ajira pamoja umri katika ajira pamoja haki za vijana.

 

Akizungumza wakati wa mjadala huo, Mjumbe wa Kamati namba Sita, Mhe. Zaina Madabida amesema kuwa ni vema kuwepo kwa kipengele kinachotambua mila na desturi za makundi ya wafugaji na wakulima ili kuondoa migogoro ya ardhi ambayo imekuwa ikijitokeza mara kwa mara hapa nchini.

 

Kuhusu masuala ya Uraia, Mhe. Madabida ameeleza kuwa si vema kumtambua mtoto mwenye miaka Saba kama raia Mtanzania aliyekanyaga katika ardhi ya Tanzania na badala yake ni vema mtoto mchanga ndiyo atambulike kama raia halisi wa Tanzania kikatiba kama Mtanzania, hivyo yeye na Kamati yake wamekubaliana kumtambua mtoto mchanga kama Mtanzania halisi ambaye atakuwa amekanyaga katika ardhi ya hiyo.

 

“Mtoto ambaye ni raia halisi wa Tanzania atakayekutwa katika ardhi ya Tanzania itambulike kuwa ni yule mtoto mchanga na sio yule mwenye umri wa miaka Saba”, alisema Mhe. Madabida.

 

Aidha, Mhe. Madabida amegusia suala la Sheria ya Haki ya kuishi pamoja na Sheria ya kunyonga akisema kuwa Sheria hiyo ya kunyonga ni vema iendelee kuwepo katika Katiba kwani kuna watu ambao wao wanaua wenzao.

 

“Adhabu ya kifo iendelee kuwepo kama Katiba yetu ya sasa inavyosema kwani kuna watu wao wamekuwa wakiwaua wenzao”, alisema Mhe. Madabida.

 

Kwa upande mwingine, mjumbe toka kamati namba Tisa amezungumzia kuhusu suala la haki za binadamu akitaja Ibara ya 24 katika Sura ya Nne, nae amesema kuwa maoni ya wachache yamefafanua kuwa haki ya kuishi ianzie tangu pale mimba inapotungwa kwani sikuhizi watu wengi wamekuwa na utaalamu sana katika kutambua viumbe vilivyopo tumboni, hivyo watu hao wamekuwa wakikatiza uhai wa viumbe wasiokuwa na hatia.

 

Mjumbe ameongeza kuwa katika Ibara ya 39 inayohusu haki ya Mtuhumiwa na Mfungwa, yeye na kamati yake wameitaka Katiba izingatie mazingira rafiki kwa watuhumiwa wenye ulemavu na izingatie kuhusu suala la miundombinu kwa walemavu hao ili iwe rafiki kwani Magereza mengi nchini yalijengwa kipindi kirefu

KIFARU CHA JESHI CHAPARAMIA NYUMBA MTWARA NA KUSABABISHA VIFO

 Ajali nyingine yatokea Mtwara na kudaiwa kuua wanajeshi watatu na raia mmoja baada ya kifaru kujaribu kukwepa lori la mabomba ya gesi na kuivaa nyumba iliyokuwa pembezoni.

MKUTANO WA 24 WA WADAU NA WANACHAMA WA MFUKO WA PENSHENI WA PPF WAANZA RASMI LEO, JIJINI ARUSHA

Naibu Waziri wa Fedha Nchini, Mh Mwigulu Nchemba ambae pia alikuwa Mgeni Rasmi katika Mkutano wa 24 wa Wanachama na wadau wa Mfuko wa Pensheni wa PPF akifungua Mkutano wa 24 wa Wanachama na Wadau wa Mfuko wa Pensheni wa PPF unaoendelea kufanyika katika Ukumbi wa Mikutano wa Kimataifa wa AICC, Jijini Arusha.

 Mkurugenzi Mkuu wa Mfuko wa Pensheni wa PPF, William Erio akizungumza wakati wa Mkutano wa Wanachama na wadau wa Mfuko wa Pensheni wa PPF unaoendelea Kufanyika katika Ukumbi wa Mikutano wa Kimataifa wa AICC

Naibu Waziri wa Fedha, Mh Mwigulu Nchemba akijadiliana jambo na Mkurugenzi Mkuu wa Mfuko wa Pensheni wa PPF wakati wa Mkutano wa wanachama na Wadau wa Mfuko wa Pensheni wa PPF unaoendelea katika Ukumbi wa mikutano wa kimataifa wa AICC, Jijini Arusha.

Mgeni Rasmi katika Mkutano wa 24 wa Wanachama na Wadau wa Mfuko wa Pensheni wa PPF ambae pia ni Naibu Waziri wa Fedha Mh Mwigulu Nchemba akiwa katika Picha ya Pamoja na Viongozi wa Mifuko ya Hifadhi ya Jamii mara baada ya Kufungua Mkutano wa 24 wa Wanachama na Wadau wa Mfuko wa Pensheni wa PPF unaofanyika katika Ukumbi wa Mikutano wa Kimataifa wa AICC, Jijini Arusha

Naibu Waziri wa Fedha, Mh Mwigulu Nchemba akimpongeza Meneja Masoko na Mahusiano wa Mfuko wa Pensheni wa PPF, Bi Lulu Mengere wakati wa mkutano wa 24 wa Wanachama na Wadau wa Mfuko wa Pensheni wa PPF unaofanyika katika Ukumbi wa Mikutano wa Kimataifa wa AICC, Jijini Arusha

 Wadau wakifuatilia Mada katika Mkutano wa 24 Wa Wanachama na Wadau wa Mfuko wa Pensheni wa PPF unaofanyika katika Ukumbi wa Mikutano wa Kimataifa wa AICC Jijini Arusha.

 Wabunge wa Chadema Joshua Nassari (kushoto) na Joseph Mbilinyi (Kulia) wakifuatilia kwa makini mada zilizokuwa zikitolewa na Mkurugenzi mkuu wa Mfuko wa Pensheni wa PPF (Hayupo pichani) Mh William Erio wakati wa mkutano wa Wanachama na Wadau wa Mfuko wa Pensheni wa PPF unaoendelea Kufanyika Katika Ukumbi wa Kimataifa wa Mikutano wa AICC, Jijini Arusha

Wanachama na Wadau wa Mfuko wa Pensheni wa PPF wakifuatilia kwa Makini Mada mbalimbali zinazotolewa na Viongozi wa Mfuko wa Pensheni wa PPF na SSRA

Mkurugenzi Mkuu wa Mfuko wa Pensheni wa PPF, Mh William Erio (Wa Kwanza kushoto) akijadiliana jambo na Naibu Waziri wa Kazi na Ajira, Mh Makongoro Mahanga (Katikati) wakati wa mkutano wa wanachama na wadau wa Mfuko wa Pensheni wa PPF unaoendelea kufanyika katika Ukumbi wa Kimataifa wa Mikutano wa AICC uliopo Jijini Arusha.Picha zote na Josephat Lukaza  Arusha

MKAZI WA ILEMELA JIJINI MWANZA AJINYONGA JUU YA MTI....

MWANAUME MMOJA MAKAZI WA KISEKE ILEMELA JIJINI MWANZA,AMEKUTWA AMEKUFA BAADA YA KUJINYONGA JUU YA MTI WA MUEMBE NA MWILI WAKE KUKUTWA UMEHARIBIKA VIBAYA HUKU UKITOKA MAJI NA HARUFU MBAYA.INAKADILIWA MTU HUYO ALIJINYONGA SIKU TATU ZILIZOPITA,NA CHANZO CHA KIFO HICHO HAKIJAFAHAMIKA KUTOKANA NA MAREHEMU KUJINYONGA PASIPO KUACHA UJUMBE WOWOTE.

WAKAZI WA ENEO HILO WALIOFIKA ENEO LA TUKIO WALISHINDWA KUMTAMBUA MTU HUYO KUTOAKANA NA MWILI WAKE KUHARIBIKA VIBAYA.MAAFISA WA POLISI WALIOKUWEPO ENEO LA TUKIO WALIAMURU MWILI HUO UZIKWE BAADA YA KUFANYIWA UTAFITI NA DAKTARI ALIYEKUWEPO ENEO HILO LA TUKIO.

WANANCHI NA MAAFISA POLISI WAKIWA KATIKA HARAKATI ZA KUUSHUSHA MWILI WA MAREHEMU.

MWILI WA KIJANA HUYO UKIWA JUU YA MTI KABLA YA KUTEREMSHWA.

HUU NDIYO MWILI WA KIJANA HUYO IKIWA UMESHUSHWA

WANANCHI WAKIUZIKA MWILI WA MWANAUME HUYO.

TARATIBU ZA MAZIKO ZIKIENDELEA.